* الجلاش بالقشطة المطبوخة *

الجلاش بالقشطة المطبوخة

المقادير

لفة جلاش تعمل حوالي (20)

قشطة مطبوخة هي عبارة عن مهلبية عادية لكل 1 كوب لبن نضيف 2 معلقة سكر بس .

2 معلق طعام نشاء مذوب في فنجان قهوة ما ء ورشة فانيليا للنكهة .

ونعمل المهلبية عادية وبعد ها نضعها في الثلاجة تتماسك جدا جدا

ونطلعها ونضربها بمضرب الكيك حتفك وتبقى كده عبارة عن قشطة مطبوخة

سائل لزق الجلاش (لكل 3 معالق دقيق 2 معلقة ماية) ويبقى بالطريقة هذه

ولقلي الجلاش حنحتاج لزيت مضاف إليه 2 معلقة سمنة .

شربات بارد وجاهز وزي ما احنا عارفين طريقته

(لكل 1 كوب سكر 1/2 كوب ماية واول ما يغلي نضيف عليها نص ليمونة)

طريقة العمل :

نفتح لفتة الجلاش ونتأكد انها 100% وجميلة زي كده

ورد الجلاش بيبقى كبير نقطعو بالنص يعطينا ورق بعرض 15سم تقريبا

نرجع نقصو بالنص حيدينا مستطيلات بعرض 7

سم تقريباً زي الصورة بالظبط

حنعد 3 ورات جلاش مع بعض وناخذهم ونحط على الطرف معلقة ونص قشطة مطبوخة بالطريقة هذه

ونشكلها زي السمبوسك بس سمبوسكXL

ونكمل لف الورقة لحد الاخر ونحط من سائل اللزق مسحة صغيرة علشان تلزق وما تفكش في القلي .

هنا خلصت وطلعو صينيتين زي دي

والقشطة كانت على القد بالظبط تقولوش معايرة المقادير

مرحة قلي الجلاش

في الأول حنصب الشربات البارد في صينية مفروده كدة علشان الجلاش ياخد راحتو لما نطلعة من الزيت ويحافظ على شكلو

وما يتكسرش لانه يبقى مقرمش بعد القلي

نسخن الزيت مع معلقة السمنة ولازم تبقى النار هادية جداً ونحط كم وحدة جلاش بس ما نكترش .

وأول ما تحطيه حيبقى كده بيغلي شوية .

وبعد دقيقتين حيهدى بالصورة هذه اتركيه على النار الهادية وياريت ما نلعبش كتير يعني ما تقلبيش ولا تيجي جمبو غير لما

تشوفي انو اتحمر كويس ابتداء من الأطراف علشان نحافظ على شكلو الجميل.

تروحي قلباه على الناحية التانية .

بصو طاسة الزيت وجنبها الشربات علشان يبقى شغلنا مترتب وسهل وما نتلخمش.

ولما نطلعو على صينية الشربات نسبيه شوية وبعد كده نقلبو على الناحية التانية .

ودي أول دفعة خرجت من الشربات .

لاحظوا مقرمشة وجميلة وغرقانة بالشربات ومحافظة على شكلها ازاي.

هنا رصيت أول مجموعة خرجت في صينية متبطنة بورق السلوفان

بصو يا جماعة الصورة القريبة دي .

شكل ورق الجلاش واضحة جدا ازاي و جميل ومقرمش

هنا الطبق بعد ما خلصت قلي كل الجلاش وطبعاً يا جماعة الجلاش ما يكملش في النكهة والشكل غير مع رشة فستق جميلة

بالصورة دي

ودي صورة أقرب قبل التقديم .

م/ن

*** الجلاش بالقشطة المطبوخة *** 129569648710

*** الجلاش بالقشطة المطبوخة *** 129569648710

روعه

» كنافة نابلسيّة بالقشطة